AN
VUILIAM E
Kamliana Lhouvum
“Hmangaih
vanga a nun hlantu kohna chhangin,Lei hringnun ropui leh mawinate an hnawla “
He
hla thu mawi tak ka hriatchhuah apiang leh ka ngaihthlak apiang hian ka rilruah
missionary te tawrhna leh hrehawmna te ka hriatthiampui thin.Zanlaiah thangharh
thut ila,zanlai reh tawh takah leh
pawnlamah va hawichhuak ila..Chung chhawrthlapui paw’n ka lungngaihna leh
hrehawmnate min tawrhpui a ni ve mai ang a tih hial khawpin en a chhuah reng
reng lo mai.khua lah a vawt em em mai leh nghal a.Rilru chhungril min fan raih
raih a,lunglengin biangah mittui a luang thei zuk nia mawle!
Kum
2013 a rawn herchhuak a,zirna avangin Bangalore ( LORE khawpui) ah kum 4 ka
cham kum alo nit a reng mai a,Chutah zirna te zovin IES (Indian Engineering
Service) coaching la turin India rama Engineering coaching Academy thaber
Madeeasy ah ka in admit ve ta hlauh mai a,Chutah Pastor T.Laldingliana te lo rammut na hmun ngei chu lo niin chu mi
khawpui Delhi ngei mai chu a ni ka lung tileng em em thintu leh Thlarau lam
pawha hmasawnna tam tak ka hmuhna hmun tur chu a lo ni.
Tichuan
hun leh nite a lo in herliam zel a,2013 October thla alo thlen meuh chuan Delhi,Agra leh Uttarakhand a Lalpa thuthlung
avanga unau duhawm tak tak te chuan Joint Missions conference,Agra (Uttar
Pradesh) ah chuan kan nei ta.Krista sipai la junior pawl PYD members pawh kan
kal tha tlang hle a.a thlengtu agra kohhran te tiamin mi 500 chuanglai kan
inkhawm thei a ni.
Missionaries
te hi khawvel lam thlirdan atang chuan mi khawngaihthlak tak tak an ni ngei ang
le! In leh lo kalsanin mahni nupui fanau,chhungkhatkua te pawh sawi hlei theilo
in Missionaries te hian Lalram tan sengkhawm hna an thawk nasa hle a ni. Agra
hmun leh Uttarakhand hmunah te phei chuan thingtlang motor awm lohna hmunah te
in 40-50 Kms laite ke in an kal thin tih ka mit ngeiin ka hmu a,ka hrechiang
hle mai.Chu achhapah vai leh Kristian ni ve lo Hindu muslim kulmut te hovin
thah ah leh manah an vau chang lah tam narawh i.Chutiang harsatna leh hrehawmna
karah rinawm takin Lalpa tan an thawk thin a lo ni a.
Missionaries
thenkhat inlama lo haw na chance tam tak neite pawh Lalram tulna an hriat tawh
avang leh Lalpan a hunna zawnah chuan kir thei ka ni tawhlo tiin ngai tak leh
hrehawm ti tak chungin an hmangaih ngawih ngawih an nu leh pa te,unaute leh
thenrualte pawh hmangaih zo tawh lovin,engkim aia amah thlangtu Isua ngei
hnathawhsak turin an hmangaih tak tak an ngaihzawngte,an bialnu bialpa,an
chhungkua leh an run In nuam leh lum tha tha te chu siamtu Pathian tan an vui
liam a lo ngai ta zawk a ni. Kir duh tak tak nise kir lehna hun remchang tam
tak an neiin an hmu ngei awm si a.
Missionaries
te chu thenkhat Kohhranin a tulna avanga anmahni duhthu vang em em nilova
mamawhna avanga an transfer emaw an dah te pawh an awm nawk mai.Chutihlai reng
chuan hlawh leh hamthatna engmah phut leh beisei tawh chuang lova Min siamtu
amah Isua hmangaihna chhanlet duhna alen em vanga Missionary a kal ta pawh tam
tak an awm bawk.Lal Isua hming avanga an tawrhna leh an hrehawmna te chu Tisa
khawvel atanga thlir chuan manganna lo thleng thin mahse Pathian lam thlir
chung zelin Lalpan ka rawngbawlna tura min ruatsak a ni a,min dahna hmun
hrehawm leh hlauhawm tak tak te pawh Lalpa hmangaihna a nasat tak em avang
zawkin Lalpan min hmangaihna hi ka
chhanlet ve theihna a ni a,Lawmthusawi a hla sa chunga a rawngbawl zel tur ka
ni ti in bianga mittui tla chung leh An ngaihtuahna an hmathlir reng rengte lah
engtikah nge ka hmangaih ka chhungkhat laina ka nupui fanaute ka chhuahsan ang
tih hlau niawm fahranin lei lam an han thlir let chang chuan an mit a lo dawih
a,an tha a lo khur a an nun chhung a rum tlawk tlawk thin mahse kir leh thei
rual an ni tawh si lo.
”Lawmthusawi
tur ka lo ni e,Isua hnenah
Ka
chanvo ve ka rawngbawlna ka thlir chang hian
Engkim
mai hi hmangaihna vang a lo ni e
Min
dahna hmun ka tan reng hian alo tawk e.”
Sawi
mai leh mi thusawi hriat atang mai hi chuan Missionaries te hrehawmna leh
tawrhna te hi hriatthiampui a har fo thin.A taka an harsatna tawh dante leh
Pathian tan an nun an ui loh ziate,engkim mai chan an huam dante, thildang
zawng zawng aia Lal Isua an thlan zawk si zia te han hmuh hi chuan mittui a tla
lo thei lo vin ka hria.Chumi Agra Joint Missions Conference ah chuan hmun hrang
hrang a kan unaupui vai missionaries leh workers te hnathawh dante anmahni
ngeiin live a mittui tla hiala an han sawi leh phei hi chu patling inti tan
pawh han inlak pa na vak chi ni tawh lo,Mittui hi kan hru kan hru mai tawh zawk
a.An Pathianthu hril avanga Helpawl leh hindu firfiak hovin an vau
dante,Pathianthu sawi leh tawh lo tura an warning dan te.Tin,chumi aia chanchin
lungchhiatthlak tak tak,Pathian thlarauthianghlim an chan te pawh ringlo miten
ramhuai zawl a ni tia Police station ah ngei an hek a,Police te ngei pawn kan
missionaries te thlavang hauh a hneka an han sawisa zui leh thu han hriat leh
zelte phei chuan rilru a va na in an va khawngaihthlak tak zet em!
Thawhlehnani
lo thleng tur chu nghakhlel takin
Dawhthei
takin ka thlir reng e van In nuam chu
Ka
lei taksa hrehawmnate chu kalsanin
Ka
nghahhlelh Lal Isua ngei chu ka kuah taw hang
Kan
missionaries te hian keini mahni inlum ngei atanga rawngbawlna nei theitu te hi
min van awt let dawn nasa em!!Keini lah chu Karkhata vawi hnih khat inkhawm tak
ngial pawh kan peih lo a nia,Thalai inkhawmte phei chu inkhawmlo law law tawh
mai ang u aw karleh chu tih tur khawpin kan thatchhe zo tawh a.Thalai tha chak
lai leh rilru chak hun tha nei tam zawkte hlei hlei hi a thatchhia ah kan tang
a,Kohhran inkhawmna ah lah nise inkhawm aiin inkhawm lo kan thahnem zawk reng
mai bawk a.Kan missionaries te hian kan nun hi min van awt let nasa dawn mang
e! Anni lah a then chu eitur inhlawhchawp ten an han khawsa lawp lawp a.Retheih
chikimin an rethei a ni ber ang chu. Thalai tam zawk hnathawk peih lo,zirlai ni
chung a zir tha peihlo kan la tam em em bawk a.Kan nun hi alova inthlau dawn
em??
Amaherawh
chu,Babulon luikamahte chuan thuin Lalpa chauh ngaiin kan missionary te hi an
rum tlawk tlawk thin a,anmahni tan chuan he khawvelah hian an nun pum,an
hmelthatna an chhungkua leh ro zawng zawng an vuiliam fel vek tawh a.An nghahhlelh
ber thawhlehnani a lo thlen hunah chuan
kan chan leh an chan erawh ava inthlau nasa dawn em! Berambo thlaraubo
engzahnge kan hruailuh ve a,Pathian thu thlung la hmulo mitdel tam tak buhseng
tur tam takte engzah fakau nge kan chhanchhuah ve tawh le?? He zawhna atang hi
chuan Van Jerusalemah chuan kan missionaries te chan tur chu kan va awtlet ve thung
nasa dawn em! Anni chuan thawhlehna ni lo thleng tur chu an nghakhlel em em
a,Lei nun hmang reng chungin an damlai ngeiin Van nawmna an chen a,An lei taksa
hrehawmna leh natna te kalsana Siamtu Pathian ang chhunga chawlh hlan an
nghakhlel tawh hle thung a ni.
“Kirzai
rello ten leinun hnutiang chhawnin
An
lallukhum chu an tan an dah tawh si.”
An
thawhrah Lallukhum chu Lalpa’n an tan a
dah sak tawh si tih hriain kan missionaries te chuan lei hrehawmna leh
lungngaihna te hnutiang chhawnin “ tuna an tuarna te chu nakin a an ropuina Lallukhum
an dawn turn en tehkhin thama an ruat loh avangin “ chheltakin hma lam an lo
pan hram hram thin a lo ni zawk si a.
A
tawp berah chuan Unau duhtakte u, Kan missionaries te chauh hi em ni Lal
thuthlung vuantu leh puangtu tur chu ni ta ang le? Anmahni chauh hi em ni
engkim aia min thlangtu LalIsua hmangaihna chhanglettu tur chu le? Anmahni
chauh hi em ni Krista tan an nun vuiliam ngam chu??
Hnai
love, A pawimawh lai ber chu mitinte hian Lal rawngbawlna ah leh sengkhawm
rawngbawlna kawngah hian mawhphurna kan nei theuh a,kan rawngbawlna zawn a in
ang vek lo ang,mahse Lalpan min hmang duh vek a ni.Kan hausakna te finna
te,chakna te talent kan neih zawng zawngte hi Lalpa ropui nan kawng engnge maw
tal chuan kan chhanglet ve thei a ni.Kan
missionaries khawngaihthlak tak takte tanpui nan sum leh paiah te tan ila thar
ang u. Nangma chanah han in chan ta la,sum leh pai thawhlawmte a tam thei ang
ber pek I duh ngei ang le.
“
Unaute u, thu chauhvin I inhmangaih suh ang u khai,thutak leh tihtakzet ni zawk
rawh se” “Rinna chu thiltih tello chuan a thi a ni “ Chuvang chuan Kan
chhungkua,kan in nuam tak tak te,kan bialnu kan bialpa kan nupui fanau te Lalpa
tan kan vuiliam ngam lo a nih pawn Lalpa’n a malsawmna a min vur na heng sum
leh pai leh tha thawhna kawngah te hian Lalpa tan I in vui liam ve ngam dawn
lawm ni?? Vui liam dawn e le. Thih thlengin Lalpa tan kan rinawm ang
a,Lallukhum pawh kan chang ngei ang chu mawle! Lalpa I siamtu tan kawng emaw
tala in vui liam ve ngei thei turin Lalpa’n I nunah thusawi ngei rawh se.
“
I thawhloh avangin tam tak an boral e,Lalpa hmangaihte an ral mek,anni pui
turin I kal an gem? Puitu an ngai em e,An boral zawh hma hian”
0 Comments